10 Easy Tips to Plan Your 24-Hour Day
24గంటలు సమయాన్నిఎలా ప్లాన్ చేసుకోవాలి?
రోజులో అందరికీ 24 గంటలే ఉంటాయి. కానీ కొందరు ఎంతో సమర్థంగా పనులను పూర్తి చేస్తారు, మరికొందరు సమయం సరిపోకుండా అలమటిస్తుంటారు. అసలు తేడా ఎక్కడుందంటే సమయాన్ని ఎలా ప్లాన్ చేసుకోవాలో తెలిసినవాళ్లకు, తెలియని వాళ్లకు మధ్య మీరు రోజును జాగ్రత్తగా ప్లాన్ చేసుకుంటే, మీ ఆరోగ్యాన్ని కాపాడుకోవచ్చు, కుటుంబంతో సమయం గడపవచ్చు, పని బాగా చేసుకోవచ్చు, మీకు కావాల్సిన విశ్రాంతి కూడా పొందవచ్చు.
నిద్ర 8 గంటలు :
సరిగ్గా 8 గంటలు నిద్రపోవడం ఆరోగ్యానికి చాలా అవసరం. కేవలం నిద్రలోనే శరీరం తనను తాను మరమ్మతు చేసుకుంటుంది. తగినంత నిద్ర లేకపోతే ఒత్తిడి పెరుగుతుంది, మానసిక శక్తి తగ్గిపోతుంది, ఏ పని చేసినా సరిగ్గా ఫలితం రాదు. కనుక, ప్రతి రోజూ ఒకే సమయంలో పడుకోవడం, లేవడం అలవాటు చేసుకోవాలి.
10 Easy Tips to Plan Your 24-Hour Day
పని 8 గంటలు :
చాకచక్యంగా పనిచేయడం తప్పనిసరి. ఉద్యోగం చేసే వాళ్లకు ఆఫీసు పని, వ్యాపారస్తులకు వారి వ్యాపారం, ఇంటి మహిళలకు ఇంటి పనులు – ఎవరి పనిలో వారు సమయం వెచ్చించాలి. కానీ పని చేసే సమయంలో పూర్తిగా దానిపై దృష్టి పెట్టాలి. మధ్య మధ్యలో మొబైల్ చూసుకోవడం, ఇతర అప్రయోజనమైన పనులు చేయడం వల్ల సమయం వృథా అవుతుంది. పని సమయాన్ని కచ్చితంగా ప్లాన్ చేసుకుంటే తక్కువ టైంలోనే ఎక్కువ ఫలితం పొందొచ్చు.
కుటుంబం 2 గంటలు :
పని, వృత్తి ఎంత ముఖ్యమైనవయినా కుటుంబానికి తగినంత సమయం కేటాయించకపోతే, జీవితంలో ఆనందం తగ్గిపోతుంది. ప్రతిరోజూ కనీసం 2 గంటలు కుటుంబ సభ్యులతో గడపడం వల్ల మనసుకు ప్రశాంతత లభిస్తుంది. పిల్లలతో ఆడటం, కుటుంబ సభ్యులతో మాట్లాడటం, కలిసి భోజనం చేయడం లాంటి పనులు బంధాలను మరింత బలంగా చేస్తాయి.
Are stevia leaves good for diabetes?
ప్రయాణం 2 గంటలు :
చాలామందికి రోజూ పని చేసే చోటుకు వెళ్లడానికి, తిరిగి రావడానికి కనీసం 2 గంటలు పట్టుతుంది. ఈ ప్రయాణ సమయాన్ని ఉపయోగించుకునే విధానం చాలా ముఖ్యమైనది. ఆ సమయంలో మంచి పుస్తకాలు వినడం, ఆడియో బుక్స్ వినడం, కొత్త విషయాలు నేర్చుకోవడం లాంటి చక్కటి అలవాట్లు కలిగి ఉంటే ప్రయాణ సమయం కూడా ఉపయోగపడుతుంది.
వ్యాయామం 1 గంట :
ఆరోగ్యంగా ఉండాలంటే వ్యాయామం తప్పనిసరి. రోజుకు కనీసం 30-60 నిమిషాలు వాకింగ్, యోగా, జిమ్, డాన్స్, స్విమ్మింగ్ వంటి ఏదైనా ఫిట్‌నెస్ యాక్టివిటీ చేయాలి. ఇది శరీరానికి మంచి రక్త ప్రసరణను అందించి, మానసిక ఉల్లాసాన్ని పెంచుతుంది.
సెల్ఫ్ కేర్ 1 గంట :
మన ఆరోగ్యం, మనస్సు, వ్యక్తిత్వం మెరుగుపడటానికి మనకు మనం కొంత సమయం కేటాయించుకోవాలి. ఈ 1 గంటలో మెడిటేషన్ చేయొచ్చు, మంచి పుస్తకాలు చదవొచ్చు, కొత్త స్కిల్స్ నేర్చుకోవచ్చు.
వినోదం 1 గంట :
రోజంతా పని, బాధ్యతల మధ్య మనల్ని మనం రిలాక్స్ చేసుకోవడం కూడా అవసరం. సినిమాలు చూడటం, సంగీతం వినడం, హాబీలు కలిగి ఉండటం వంటి వినోద కార్యక్రమాలు మనస్సును ఉల్లాసంగా ఉంచుతాయి.
విశ్రాంతి 1 గంట :
మనకు ఏ పనిలోనూ బోర్ కొట్టకుండా ఉండాలంటే మధ్యలో కాస్త విరామం తీసుకోవాలి. ఈ 1 గంట సమయంలో చెట్ల కింద కూర్చొని ఆహ్లాదంగా గాలి పీల్చుకోవచ్చు, చక్కటి కాఫీ తాగుతూ ప్రశాంతంగా సేదతీరొచ్చు.
సమయ నిర్వహణ కచ్చితంగా పాటించాలి.
మీరు ఒకసారి 24 గంటలను ఇలా ప్లాన్ చేసుకుంటే, రోజంతా ఉల్లాసంగా, ఉత్సాహంగా గడపొచ్చు. సమయం అనేది ఒక్కడికి కూడా ఎక్కువ కాదు, తక్కువ కాదు. అందరికీ ఒకేలా ఉంటుంది. దీన్ని ఎలాంటి పనులకు ఎలా కేటాయించుకోవాలో నేర్చుకుంటే, విజయానికి మీరు చాలా దగ్గరగా ఉంటారు.
మీ రోజును ప్లాన్ చేసుకుని, జీవితాన్ని మరింత సంతోషంగా మార్చుకోండి.
సమయాన్ని మరింత మంచిగా ఉపయోగించుకోవడానికి కొన్ని చిట్కాలు.
మీ 24 గంటల ప్లాన్ విజయవంతంగా అమలులోకి రావాలంటే కొన్ని ముఖ్యమైన అలవాట్లు ఉండాలి. కేవలం ప్లాన్ చేయడమే కాకుండా, దాన్ని పాటించడమే అసలైన కష్టతరం. అందుకే, కొన్ని సులభమైన చిట్కాలను పాటిస్తే సమయం వృథా కాకుండా పూర్తిగా ఉపయోగించుకోవచ్చు.
1. ముందుగానే ప్లాన్ చేసుకోండి.
రోజంతా ఏం చేయాలో ముందుగానే నిర్ణయించుకోవడం చాలా మంచిది. రాత్రి పడుకునే ముందు లేదా ఉదయం లేవగానే, ఆ రోజు చేయాల్సిన ముఖ్యమైన పనులను లిస్టుగా రాసుకోవాలి. ఇది చేసే పనుల్లో స్పష్టత కలిగించి, సమయాన్ని అపార్థంగా ఉపయోగించకుండా ఉండటానికి సహాయపడుతుంది.
2. అవ‌స‌ర‌మైన‌దానికే ‘అవును’ చెప్పండి.
చాలా మంది ఇతరుల పనులకూ, అభ్యర్థనలకూ ఎక్కువ సమయం కేటాయించి, తమకు అవసరమైన పనులను వాయిదా వేస్తుంటారు. అన్నీ పనులు మనం చేయలేం, అందుకే అవ‌స‌ర‌మైన‌దానికే ‘అవును’ అని చెప్పాలి. ఇలాచేయడం వల్ల సమయం వృథా కాకుండా, ముఖ్యమైన పనులపై దృష్టి పెట్టొచ్చు.
3. ఒకేసారి ఒక పనిపై దృష్టి పెట్టండి.
ఒకేసారి చాలా పనులు చేయడానికి ప్రయత్నిస్తే ఏదీ సరిగా పూర్తి కాదు. పని చేసే సమయంలో పూర్తిగా దానిపై దృష్టి పెట్టాలి. ఉదాహరణకు, కుటుంబంతో ఉంటూ ఫోన్‌లో సోషల్ మీడియా చూస్తుంటే, అది గడిపిన సమయంగా పరిగణించబడదు. ఏ పని చేస్తున్నా, దానిపై పూర్తిగా దృష్టి సారిస్తే, తక్కువ సమయంలో ఎక్కువ పనులు పూర్తి చేయొచ్చు.
4. మొబైల్ వినియోగాన్ని తగ్గించండి.
ఇప్పటి రోజుల్లో మనకు తెలియకుండానే ఎక్కువ సమయం మొబైల్‌లో సోషల్ మీడియా, యూట్యూబ్, రీల్ వీడియోలు చూస్తూ గడిపేస్తున్నాం. రోజుకు కనీసం 2-3 గంటలు వాటిలో పోతున్నాయి. అవీ అవసరమే, కానీ హద్దుతో ఉంటేనే ఉపయోగం. దూరదృష్టి ఉంటేనే సమయాన్ని సద్వినియోగం చేసుకోవచ్చు.
5. ఆరోగ్యాన్ని గుర్తించండి.
ఎంత సమయం ప్లాన్ చేసుకున్నా ఆరోగ్యం బాగాలేకపోతే ఏ పనీ చేయలేరు. అందుకే రోజూ మంచి ఆహారం తినడం, నీళ్లు తాగడం, చక్కటి నిద్రపోవడం, వ్యాయామం చేయడం చాలా ముఖ్యం.
6. చిన్న విరామాలు తీసుకోవాలి.
పని చేస్తున్నప్పుడు 2-3 గంటలకోసారి 5-10 నిమిషాలు విరామం తీసుకుంటే మెదడు తాజాదనాన్ని కోల్పోదు. కానీ విరామం పేరుతో గంటల కొద్దీ టీవీ చూడడం, మొబైల్‌లో టైం వృథా చేసుకోవడం మానాలి.
7. అవసరాల ప్రకారం పనులు చేయాలి.
అత్యవసరమైన పనులను ముందుగా చేయడం అలవాటు చేసుకోవాలి. తక్కువ ప్రాముఖ్యత ఉన్న పనులను తర్వాత పెట్టుకోవచ్చు. ఇది ఒత్తిడిని తగ్గించి, సమయాన్ని సమర్థంగా వినియోగించుకునేందుకు ఉపయోగపడుతుంది.
Conclusion.
24 గంటలను సరిగ్గా ప్లాన్ చేసుకుంటే జీవితం సులభంగా, సంతోషంగా, విజయవంతంగా మారుతుంది. మనం సమయాన్ని ఎలా వినియోగిస్తున్నామో చూసుకుంటే, మన భవిష్యత్తు ఎలా ఉండబోతుందో అర్థమవుతుంది. కాబట్టి, ఒక్కరోజు కూడా వృథా చేయకుండా, సమయాన్ని తెలివిగా ప్లాన్ చేసుకుని, లక్ష్యాలను చేరుకోండి.
